O Centro de Estudos Cooperativos (CECOOP), aprobado polo Consello de Dirección da USC con data do 16 de abril de 2002, foi creado pola Universidade de Santiago de Compostela e a Xunta de Galicia, por medio da Dirección Xeral de Relacións Laborais, como Centro Universitario de carácter mixto dedicado á investigación, formación e estudo do cooperativismo nas súas dimensións económica e xurídica, nos ámbitos galego, español, europeo e internacional. Neste acto presentaranse as principais actividades realizadas ao longo dos seus 20 anos de existencia polo único centro de investigación galego en materia de Economía Social.